போகும் நேரங்கள்

எனக்கு நேரம் போதவில்லை
எதை முந்தி செய்வது
எதை பிந்தி செய்வது
என்று என்னை நானே குழப்பிக்கொள்கிறேன்
போதாத நேரம்
போக போக குறைகிறது

போக விரும்பிய வாசல்கள் மூடி கிடக்கிறது
போக விரும்பாத பாதைகள் வரவேற்கிறது

போக போக இன்னும் என்னென்ன நடக்குமோ
நடக்கவிருக்கும் நேரங்களை
நடக்காமல் நிறுத்த முடியுமோ

போய்தான் பார்ப்போம் வியப்புடன்
புதிராக போக வேண்டிய நேரங்கள்
முன்னால் காத்து நிற்கிறது

உங்களைபோல் நானும் ஒருநாள்
நேரம் வந்ததும்
போக தான் போகிறேன்

அதுவரை நிற்காமல் போய் கொண்டே
இருப்பேன்