சொற்களை விற்ப்பவன்

என் இதயம் என்ன இருட்டறையா ?

அணையா விளக்கை ஏற்றுகின்றேன்

என் செவிகள் கேளாத ஒலிஅழி கூடமா ?

இசைகள் இசைத்து பாடல்கள் படிக்கின்றேன்

என் கண்கள் ஒழுக்கமற்ற குருட்டுப்பார்வையா ?

பிறர் வாழ்வில் ஒளிவிசும் ஒளி மரங்களை நடுகிறேன்

நான் அநியாயங்களை தட்டி கேட்காத மவுனியா ?

வசை வீசும் சொற்களை வாய்ஜாலத்தால் திசை மாற்றி விடுகிறேன்

கேலி சிரிப்புகளை உள்வாங்கி கொள்கிறேன்
அழுகிறேன் நெகிழ்கிறேன் புகழ்கிறேன் மகிழ்கிறேன்

வாழ்வில்

உள்ள வலிகளை 
உள்ளே சுமந்து 
வெளியே

அவரவர் தேவைகேற்ப்ப

விலையில்லா

சொற்களை

இலவசமாய்

விற்கிறேன்           (விநியோகிக்கிறேன்)

கவிதையாக