நான் நானாக நடிக்கிறேன்

நான் இன்றி நான் இல்லை
நான் இன்றி நான் இல்லை என்னை மட்டுமே
நம்பி நான் இல்லை

நான் இரசிக்க அரிதாரம்
பூசுகிறேன்
நான் சிரிக்க நகைசுவை
செய்கிறேன்
நான் வெறுக்க நயவஞ்சகம்
செய்கிறேன்
நான் சிறக்க பாடல்
படிக்கிறேன்


நாணுகிறேன் நாணலை போல்
ஞானம் பெறுகிறேன் துறவியை போல்
அருள் புரிகிறேன் கடவுளை போல்

மெய்யான போலியை மெய்மறந்து இரசிக்க
நான் என்னை முழுவதும் தாரை வார்க்கிறேன்

நாடகம் அரங்கேற்றுகிறேன்
அனுதினமும் அதில்
நான் நானாக நடிக்கிறேன்.