வெற்றியின் கொடி

என் மீது வீசப்பட்ட
கற்களில் இருந்து
என் கோட்டையை கட்டி இருக்கிறேன்
சந்தேகமிருந்தால் அதை சோதித்து பாருங்கள்
அதன் பலத்தை அதிலுள்ள
கற்களின் தரமே சொல்லும்
ஆகிலும் அதினால் உண்டான
காயங்களின் கதையை அது
ஒருபோதும் சொல்லாது

இங்கு
யாவரும் வரலாம்
இலகுவாக இளைப்பாறலாம்
அதன் பாதுகாப்பு அரணும்
அதில் வசிக்கும் மக்களின் மகிழ்வும்
உங்களை ஆச்சரியப்படுத்தும்

பாருங்கள் இதோ மேலே பாருங்கள்
கோட்டையின் மீது உயரத்தில்
வெற்றியின் சின்னமாய்
என் கொடிப்பறக்கிறது.